Grupi terrorist ‘’ Organizata Muxhahidine Halk ‘’, i quajtur ndryshe ‘’MEK’’ ose ‘’MKO’’, i cili paraqitet në listat e grupeve terroriste të disa shteteve, është strehuar në një qytet të vogël 30 kilometra larg Parisit, në Auvers-sur-Oise; gjë që ka rezultuar në neglizhim të interesit publik dhe lirisë së fjalës. Gjatë viteve, organizata ka qenë përgjegjëse për shumë akte terroriste kundër qytetarëve iranianë brenda dhe jashtë vendit. Press TV prezanton dokumentarin e tij investigativ në lidhje me selinë e MEK në Francë, Auvers-sur-Oise në Ile-de France, afër Parisit. Jeta që e rrethon këtë vend të çuditshëm, lëvizjet brenda dhe jashtë kompleksit si dhe lidhjet mes organizatës dhe lagjes përshkruhen të gjitha në këtë dokumentar informativ. E ashtuquajtura rezistenca iraniane e internuar në Francë ka bërë më të mirën që të duket si organizatë paqësore në lagjen ku kanë qenë që në 1980, por gjatë viteve të fundit të afërmit dhe organizatat për të drejtat e njeriut kanë filluar të pyesin se për çfarë është ky vend mbi të gjitha. Më 26 janar 2014, Shoqata Franceze e quajtur ‘’Paqe’’ organizoi një demonstratë kundër kulteve në Francë. Ata denoncuan prezencën e grupit terrorist MKO në Auvers-sur-Oise dhe mbështetjen që ata marrin nga kryebashkiaku i qytetit.